Мемлекеттік мекемесі

Қызылорда қалалық мәслихаты

Қызылорда қалалық мәслихатының сайтына қош келдіңіз!

Мемлекеттік рәміздер

KZ

RU

Жаңалықтар

 

VII шақырылған қалалық мәслихатының депутаты Ерназаров Қайрат Шаршыбекұлы бекітілген кестеге сәйкес 2021 жылғы 24 ақпан күні қалалық мәслихат ғимаратында қала тұрғындарын жеке мәселелері бойынша қабылдау жүргізді.

Қабылдауға келген Тасбөгет кентінің тұрғыны С.Аққошқарованың әлеуметтік көмек көрсетуді сұраған өтініші қанағаттандырылатын болады.

 

 

VII шақырылған қалалық мәслихатының депутаты Ысқақова Раушан Жәдігерқызы бекітілген кестеге сәйкес 2021 жылғы 23 ақпан күні қалалық мәслихат ғимаратында қала тұрғындарын жеке мәселелері бойынша қабылдау жүргізді.

Қабылдауға келген Тасбөгет кентінің тұрғындары Р.Меңлібаева мен О.Сейділдаева әлеуметтік мәселе бойынша өтініштерін білдірсе, Арай-Шұғыла тұрғын ауданының бір топ тұрғындары ауыз су, жарықтандыру, жол жөндеу жұмыстары, балалар ойын алаңы мен мектеп құрылысын жүргізу, қашықтықтан оқитын оқушыларға интернет желісі әлсіздігінің кедергі келтіруі, №31 бағыттағы қоғамдық көлікті тұрғын аудан аумағымен жүргізу, көшелерге атау беру, әлеуметтік дүкен орналастыру мәселелерін көтерді.

Өз кезегінде депутат Р.Ысқақова қабылдауда көтерілген мәселелерді зерделеп, заң шеңберінде құзырлы органдармен тиісті жұмыстар жүргізілетіндігін жеткізді.

 

 

Отыз күн ояу

 

Күні кеше жергілікті мәслихат депутаттарының қолына мандат алып, жұмысқа кіріскеніне тура бір ай болды.  VІІ шақырылған қалалық мәслихатта үш партияның өкілдері бар. Атап айтқанда «Nur оtan», «Aq jol», «Қазақстан халық партиясы» атынан сайланған барлығы 22 депутат ел сеніміне қызмет етуге кірісіп кетті.

Жалпы жауапкершілік арқалаған депутаттарға қоғамда айтылатын өкпе-наз да аз емес. «Сайлаудан кейін жоқ болып кетті, уәдесі қайда қалды, депутатты танымаймыз» деген секілді пікірлер қай кезде де кейбір халық қалаулылары атына айтылып жатады. Осы орайда «халықтың үні, құлағы, көзі» саналатын баспасөз өкілі ретінде биылғы қалалық мәслихат депутаттарының отыз күн ішінде нендей жұмыс атқарып үлгергеніне шолу жасадық.

Депутат болсам деген үлкен мақсатпен халықтың аманатын арқалаған қалалық мәслихаттың бұл жолғы депутаттарында бір серпіліс сезіледі. Ел сеніміне селкеу түсірмес үшін қолына мандатын ала сала білек сыбана ел мүддесіне қызмет етуге кіріскендер де бар. Тіпті бұрынғыдай 6 айда бір, жыл соңында немесе сайлау науқаны кезінде ғана емес, күн сайын халықтың ортасынан табылып жүрген депутаттар да кездеседі.

Бұған дейін де депутат, қалалық мәслихат хатшысы жауап-кершілігін арқалап көрген, бір сөзбен айтқанда мәслихат жұ¬мысынан тәжірибесі мол қалалық мәслихат хатшысы Ибадулла Құттықожаев жетінші шақырылған қалалық мәслихаттың хат¬шысы болып сайланғаны белгілі. Оның мол тәжірибесі жаңа құрамның белсене жұмысқа кірісуіне әсер етсе керек. Өзі бастап, әріптестері қолдап, ел сеніміне қызмет етуге үлкен дайындықпен келгендей.

Қалалық мәслихат депутаттығына «Nur оtan» партиясы атынан сайланған  Анар Ізден мандат алған күннен бастап дамыл таппай келеді. Сайлауға дейін де үй аралап, халықтың мұң-мұқтажын тыңдаған ол депутат болып сайланған соң  белсенділігін тіпті күшейте түсті. Бірде саяжайларда, бірде мұқтаж отбасылардың жанынан табылған Анар Ізденді сайлаушы іздемейді, ол сайлаушысын өзі іздеп, мәселесін шешуге ұмтылып жүр. Бір ғана мысал, мұқтаж отбасыға қытымыр қыста өз қалтасынан көмір түсіріп беруі – оның әрбір сайлаушының жағдайына бей-жай қарай алмайтынын байқатады.

Қалалық мәслихаттағы белсенді әрі тыным таппайтын депутаттың бірі – Ерлан Мұсаев. Мәслихаттағы жас депутаттың қатарынан болса да қаладағы көп мәселенің шешімін табуына үлесін қосып келеді. Депутаттың айтуынша, бір ай ішінде қолға алған мәселелері аз емес. Мәселен, қаладағы Өсербаев, Әйтеке би көшесі бойындағы көп¬қабатты үйлерде жалдамалы пәтер¬лердің көбейіп кеткендігінен тұр¬ғындардың тынышы кеткенін мәселе етіп көтеріп қана қоймай, осы түйткілдің шешімін табамын дегенше басы-қасында жүрді. Құқық қорғау қызметкерлерімен бірге рейдке өзі де қатысып, бүгінде тынышы кеткен аумақта тәртіп орнағанын жеткізді.

Сергек депутаттың отыз күн ішіндегі жұмысы бұл ғана емес. Денсаулығына шағым еткен сайлаушысымен бірге денсаулық мекемелерінің есігін қа¬ғып, сайлаушылармен бірге қуанып, бірге мұңайып жүрген депутаттың бірі. Депутаттың тағы бір көтерген мәселесі – саяжай жайы да алдағы уақытта шешімін тауып қалады деген үмітте. Яғни бюджеттен қаржы бөлінсе, саяжайға жол түседі деп өзі де сайлаушылармен бірге сол күнді асыға күтіп жүр.

Депутат Айгүл Мұсабаева да отыз күнін босқа өткізбегенін айтады. Халықтың мұң-мұқтажын тыңдап, бір ай ішінде 6 депутаттық сауал жолдапты. Қаладағы бос жатқан жер болса, сол жерге мүмкіндігінше спорттық алаң, балалар ойын алаңын көбейтуді ойлаған халық қалаулысының де¬путаттық сауалының басым бөлігі де осы мәселелер. Сондай-ақ білім саласының өкілі ретінде мектептер мен балабақшалардың жайын да назардан қалдырмай келеді. «Депутаттық сауал¬дарымның шешімін табуы алдағы уақыт еншісінде» дейді ол.

Айта кетелік, қалалық мәслихат аппараты депутаттар жұмысын үйле¬сімді ету үшін депутаттарды 4 топқа бөлген. Яғни халық қалаулылары өз тобындағы аумақтың мәселесін шешуге үлесін қосады. Бұл да депутаттардың қаланың ортақ мәселесін шешуге жұмыла кіріскенінің көрінісі.

P.S. Сайланғанына бір ай тол¬ған мерзімде біз белсенділігімен көзге түскен депутаттардың есімін атадық. Алдағы уақытта әрбір халық қалаулысының жұмысын көптің көзінен қалт жібермейтін боламыз.

 

Автор Гүлмира Ділдабекова

«Ақмешіт апталығы» газеті

 16.02.2021

№ 1248

 

 

Ағымдағы жылдың 20 ақпан күні, қалалық мәслихат депутаттары Әбдіғабит Әбләзім, Талғат Телеубаев, Ерлан Мусаев «Бәйтерек» мөлтек ауданының  тұрғындарымен кездесті.

Халықпен кездесу барысында  бірінші кезекте, осы уақытқа дейін, салынған жолдарды қайта жөндеуден өткізіп, қоғамдық көліктің жүруіне жағдай жасау, Қызылорда (Сталин) каналы үстінен көпір салу, елді мекенде ұрылардан жапа шегіп отырғандықтан арнайы учаскелік инспектор тағайындау, кешкі жарықтандыру тағы басқа мәселелер көтерілді.

Аталған мәселелер кездесуге қатысқан құзырлы мекемелердің жауапты қызметкерлерімен талқыланып, шешілу жолдарын қарастыру мақсатында тиісті шаралар қабылданды.

 

 

VII шақырылған қалалық мәслихатының депутаты Тұрғанбаев Нұрлан Бақытжанұлы бекітілген кестеге сәйкес 2021 жылғы 22 ақпан күні қалалық мәслихат ғимаратында қала тұрғындарын жеке мәселелері бойынша қабылдау жүргізді.

Қабылдауға келген қала тұрғындары С.Баялинова, Қ.Әлімова, Тасбөгет кентінің тұрғындары С.Аққошқарова, П.Оржанова әлеуметтік мәселелер бойынша өтініштерін білдірсе, қала тұрғыны Ғ.Қарғабай Н.Қаржаубаев және С.Асфендияров көшелерін жарықтандыру, аяқ су мәселелерін, №12 бағыттағы қоғамдық көлігінің жүру маршрутын ұзарту, Жанқожа батыр көшесін қиып өтетін (Реалбаза) аумаққа жерүсті немесе жерасты өткелдерін салу мүмкіндіктерін қарастыру  мәселелерін көтерді.

Өз кезегінде депутат Н.Тұрғанбаев қабылдауда көтерілген мәселелерді зерделеп, заң шеңберінде құзырлы органдармен тиісті жұмыстар жүргізілетіндігін жеткізді.

 

 

VII шақырылған қалалық мәслихатының депутаты Нұрымбетов Жорабек Ибрагимұлы бекітілген кестеге сәйкес 2021 жылғы 18 ақпан күні қалалық мәслихат ғимаратында қала тұрғындарын жеке мәселелері бойынша қабылдау жүргізді.

 

Қабылдауға келген Ақжарма ауылдық округінің тұрғыны Ж.Демеубаевтың арықтарды қоқыстан тазартып, аяқ су жүргізу мәселесі туралы білдірген өтініші бойынша жауапты тұлғаларға тиісті тапсырмалар берілді.

 

Үстіміздегі жылдың 18 ақпаны күні VІI шақырылған Қызылорда қалалық мәслихатының бюджет және экономикалық даму мәселелері жөніндегі тұрақты комиссиясының отырысы болып өтті.

 

 Тұрақты комиссия отырысының күн тәртібіне енгізілген «Қызылорда қаласын дамыту бағдарламаларының нысаналы индикаторларға қол жеткізу көрсеткіштері туралы» мәселесі бойынша қалалық экономика және бюджеттік жоспарлау бөлімі басшысының міндетін атқарушы Р.Жүнісова хабарлама жасап, депутаттар тарапынан қойылған сұрақтарға жауап берді.

 

Басқосу барысында мәслихат депутаттары тарапынан ана мен бала өлімінің индикаторын төмендету үшін тұрмысы төмен, жалғыз басты, көп балалы аналардың әлеуметтік жағдайын жақсарту бойынша ведомствоаралық бірлескен шаралар қабылдау туралы, сонымен қатар бүгінгі күні қаладағы білім беру ұйымдарының облыстық деңгейде қаржыландырылуына байланысты қала мектептерінің бюджеттік үлесі тиісті дәрежеде бөлінуі үшін облыстық мәслихаттың қаладан сайланған депутаттары мен облыстық білім басқармасы бірлесе отырып қажетті жұмыстарды жүргізуі бойынша және басқа да ұсыныстарын білдірді.

 

Аталған ұсыныстар тұрақты комиссияның қаулысымен құзырлы органдарға жолданатын болады.

Үстіміздегі жылдың 18 ақпаны күні қалалық мәслихаттың мәжілісі залында қала бойынша  «Арнайы бағыттағы балабақшалардың (санаторлық) қазіргі атқарып отырған жұмыстары туралы»  мәселесіне арналған талқылау отырысы өтті.

 

 Отырысқа қалалық мәслихат депутаттары  "Облыстық физиопульмонология орталығының" директоры Әбдіғабит Әбләзім,  «Ұмай» емдеу-тәрбиелеу балалар Үйінің директоры Анар Ізден және қалалық білім бөлімінің басшысы Д.Баймұрзаева, облыстық денсаулық сақтау басқармасының бөлім басшысы Б.Дүйсенбаева, қалалық  тауарлар мен көрсетілетін қызметтердің сапасын, қауіпсіздігін бақылау басқармасы басшысының орынбасары Г.Сыздықова, санаторлық балабақша меңгерушілері мен қалалық емханалардың фтизиатр мамандары қатысты.

 

 Іс-шара барысында санаторлық балабақшалардағы қазіргі бала саны, балабақшалардың мүмкіндіктерін тиімді үйлестіру,  құрылымын жаңғырту мәселелері сала мамандарымен талқыланды.

 

 Аталмыш мәселеде көтерілген тиімді ұсыныстар қалалық мәслихат жанындағы  «Құқық қорғау және әлеуметтік қолдау, жастар ісі мәселелері жөніндегі» тұрақты комиссиясының отырысына шығарылатын болады.

Үстіміздегі жылдың 17 ақпанында қалалық мәслихат хатшысы Құттықожаев Ибадулла Дүйсенбайұлы «Өркендеу», «Еңбек», «Игілік» саяжайының  тұрғындарын жеке мәселелері бойынша қабылдады. Қабылдауға келген саяжай тұрғындары қазіргі таңда саяжайда ешқандай инфрақұрылым жүргізілмегендігін, салдарынан қолдан тартылған жарық бағаналары мен жолдардың салынбауы қиындықтар тудырып отырғандығын жеткізді. Сондай-ақ, аталған саяжайда  ауыз су, газ, қоғамдық көлік мәселесі де шешімін таппай отыр.

Өз кезегінде қалалық мәслихат хатшысы И.Құттықожаев  қабылдауда көтерілген мәселер бойынша тиісті орындармен жұмыстар жүргізілетіндігін, нәтижесі саяжай тұрғындарына хабарланатындығын  жеткізді.

VII шақырылған қалалық мәслихатының депутаты Абизов Ділмұхамед Мнуарбекұлы бекітілген кестеге сәйкес 2021 жылғы 16 ақпан күні қалалық мәслихат ғимаратында қала тұрғындарын жеке мәселелері бойынша қабылдау жүргізді.

Қабылдауға келген қала тұрғыны Г.Шайымбетованың әлеуметтік сақтандыру қорына төлем жасауға байланысты қаржылай көмек сұраған өтініші қанағаттандырылды.

VII шақырылған қалалық мәслихатының депутаты Мұсаева Гүлшат Исақызы бекітілген кестеге сәйкес 2021 жылғы 15 ақпан күні қалалық мәслихат ғимаратында қала тұрғындарын жеке мәселелері бойынша қабылдау жүргізді.

Қабылдауға келген Есімхан көшесінің тұрғыны Н.Мешітбаева «Бәйтерек» мөлтек ауданынан алынған жер телімінің жалға алу мерзімі аяқталуына байланысты ұзарту туралы өтінішін  білдірді.

Өз кезегінде депутат Г.Мұсаева қабылдауда көтерілген мәселені зерделеп, заң шеңберінде құзырлы органдармен тиісті жұмыстар жүргізілетіндігін жеткізді.

VII шақырылған қалалық мәслихатының депутаты Мұсабаева Айгүл Нажмадинқызы бекітілген кестеге сәйкес 2021 жылғы 12 ақпан күні қалалық мәслихат ғимаратында қала тұрғындарын жеке мәселелері бойынша қабылдады.

Қабылдауға келген «Наурыз» саяжайының тұрғыны Ж.Құнанқараева көгілдір отынмен қамтамасыз ету, «Саяхат» мөлтек ауданының тұрғыны А.Құдаманова мөлтек аудан аумағынан жаңа мектеп құрылысының жүргізілуі және қоғамдық көліктердің жүру интервалын ретке келтіру мәселелері бойынша, «Сабалақ» саяжайының тұрғыны, көп балалы ана И.Алтаева жеке кәсіп ашу үшін мемлекет тарапынан көрсетілетін көмектер туралы түсіндірме беру, Сол жағалау тұрғындары Г.Омарова мен А.Қараева интернет желісінің әлсіздігі, жарық, тазалық, емхана және мектеп салу мәселелеріне қатысты өз өтініштерін  білдірді.

Өз кезегінде депутат А.Мұсабаева қабылдауда көтерілген мәселер бойынша тиісті орындармен жұмыстар жүргізілетіндігін жеткізді.

Қызылорда қалалық мәслихатының хатшысы И Құттықожаев бастаған бірқатар мәслихат депутаттары «Nur  Otan» партиясы Қызылорда қалалық филиалының мониторинг тобымен бірге қала аумағында орналасқан емханалардың мүмкіндігі шектеулі жандарға қызмет ету жұмысымен танысты.

Атап айтқанда, №1, №2, №3, №4 және №5 емханалардың кіре беріс пандустары мен шақыру тетіктерінің сапасы зерделенді. Мүгедектерге көрсетілетін барлық қызметтер бірінші қабатта орналасқан арнайы кабинеттерде жүзеге асырылады.

Мәслихат депутаттары мүгедек азаматтарға кедергісіз орта құру мақсатында олардың нысандарға кедергісіз кіріп-шығуын қамтамасыз етуіне қажетті өз ұсыныстарын ортаға салды.

2021 жылғы 9 ақпан күні VII шақырылған қалалық мәслихат депутаты Кәрімова Бейбіткүл Сәрсемханқызы қалалық мәслихат ғимаратында бекітілген кестеге сәйкес қала тұрғындарын жеке мәселелері бойынша қабылдады.

Қабылдауға келген Ә.Баймырзаева, Б.Дүйсенова, Г.Шайымбетова, Н.Кадирова әлеуметтік көмек көрсету, А.Нұрымбетова жұмысқа орналасу, Е.Батпанов, Б.Махамбетияр қоғамдық көлік, коммуналдық мәселелерге қатысты өз өтініштерін білдірді.

Өз кезегінде депутат Б.Кәрімова қабылдауда көтерілген мәселер бойынша тиісті орындармен жұмыстар жүргізілетіндігін жеткізді.

Үстіміздегі жылдың 8 ақпанында қалалық мәслихатың кезектен тыс ІІІ-сессиясы болып өтті. Сессия отырысына  қалалық мәслихат депутаттары, қала әкімінің орынбасарлары мен аппарат басшысы, қалалық дербес бөлімдердің басшылары, кент және ауылдық округ әкімдері, бұқаралық ақпарат құралдарының өкілдері қатысты.

Сессияның  күн тәртібіне  «2021-2025 жылдарға арналған Қызылорда қаласын дамыту бағдарламасын бекіту туралы», «2021-2023 жылдарға арналған кент және ауылдық округтердің бюджеттері туралы» Қызылорда қалалық мәслихатының 2020 жылғы 24 желтоқсандағы шешімдеріне өзгерістер енгізу туралы», «Қызылорда қаласы  Ақсуат, Қызылжарма, Ақжарма, Талсуат, Қызылөзек, Қосшыңырау, Қарауытөбе ауылдық окрутерімен Тасбөгет, Белкөл кенттері бойынша 2020-2021 жылдарға арналған жайылымдарды басқару және оларды пайдалану жөніндегі жоспарларды бекіту туралы», «Тұрғын үй көмегін көрсетудің тәртібі мен мөлшерін айқындау туралы» мәселелері енгізіліп, алдын ала қалалық мәслихат жанындағы тұрақты комиссиялардың бірлескен отырысында талқыланды.

Сессия қарауына шығарылған мәселелер бойынша

қалалық экономика және бюджеттік жоспарлау бөлімінің басшысы Г.Баймаханова, қалалық ауыл шаруашылығы бөлімінің басшысы Д.Абдрасулов, қалалық жұмыспен қамту, әлеуметтік бағдарламалар және азаматтық хал актілерді тіркеу бөлімінің басшысы И.Ақжігітова хабарлама жасады.

 Өз кезегінде депутаттар күн тәртібіндегі мәселелерге қатысты ұсыныс-пікірлерін білдіріп, тиісті сала мамандары тарапынан көтерілген сұрақтарға жауаптар берілді.

Сессия отырысына депутат М.Абдуқалықов төрағалық етті.

VII шақырылған қалалық  мәслихат депутаты Ізден Анар Жарылқасынқызы бекітілген кестеге сәйкес 2021 жылғы 8 ақпан күні сағат:17.00 ден бастап қалалық мәслихат ғимаратында  қала тұрғындарын жеке мәселелері бойынша қабылдады.

Қабылдауға келген  «Өркендеу» саяжайының тұрғыны Г.Ахатова саяжайдағы жол, жарық мәселесі және әлеуметтік көмек көрсету, «Сабалақ» саяжайының тұрғыны көп балалы ана Ж.Каюпова тұрғын үй,   «Ақжарма» ауылының тұрғыны Ж.Демеубаев «Талдыарал» елді мекеніндегі санитарлық тазалық мәселелеріне қатысты өз өтініштерін  білдірді.

Өз кезегінде депутат А.Ізден қабылдауда көтерілген мәселер бойынша тиісті орындармен жұмыстар жүргізілетіндігін жеткізді.

VII шақырылған қалалық  мәслихат депутаты Әбләзім Әбдіғабит Әбләзімұлы бекітілген кестеге сәйкес 2021 жылғы 3 ақпан күні қалалық мәслихат ғимаратында  қала тұрғындарын жеке мәселелері бойынша қабылдады.

Қабылдауға келген азаматтар 2017 жылы  «Бәйтерек» ауданынан берілген жер учаскесінің  пайдалану мерзімін ұзарту жөнінде мәселе көтерді. Жер учаскелерінің иелері еліміздегі пандемиялық ахуалға байланысты соңғы уақыттары құрылыс жұмыстарын жүргізе алмағандықтарын депутат назарына жеткізді. Қабылдауға қатысқан қалалық жер қатынастар бөлімінің сектор меңгерушісі Ғ.Омаров өтініш иелеріне түсіндірме берді.

  Өз кезегінде Ә.Әбләзім қабылдауда көтерілген мәселер бойынша тиісті орындармен жұмыстар жүргізілетіндігін жеткізді.

 Қалалық аумақтық бөлініс бойынша депутат Ә.Әбләзім «Байтерек» ауданының депутаты болып табылады.

VII шақырылған қалалық  мәслихат депутаты Мусаев Ерлан Нұрланұлы бекітілген кестеге сәйкес 2021 жылғы 2 ақпан күні сағат:16.00 ден бастап қалалық мәслихат ғимаратында  қала тұрғындарын жеке мәселелері бойынша қабылдады.

Қабылдауға келген «Әли» ПИК-нің өкілі Т.Горлова қаладағы Өсербаев және Әйтеке би көшесінің қиылысында орналасқан көп қабатты үйлердегі  пәтерлердің «тәуліктік» жалға берілуіне байланысты туындап отырған келеңсіздіктер, П.Мамбетова спорттық жарысқа демеушілік  көрсету, А.Ибраева қоғамдық көлік, Р.Меңлібаева донорлық көмек, Т.Абсалимов киберспорттан спорттық турнир   өткізу,Д.Ғалымжан жер учаскесін алуға көмек көрсету  мәселелерін көтерді.

 Өз кезегінде депутат Е.Мусаев қабылдауда көтерілген мәселер бойынша тиісті орындармен жұмыстар жүргізілетіндігін жеткізді.

Қалалық мәслихат хатшысы И.Құттықожаев, қалалық мәслихат жанындағы тұрақты комиссия төрағалары М.Кәрімбаев, Е.Нұртазаев, сессия төрағасы М.Әбдіқалықов, комиссия мүшесі Ж.Нұрымбетов  қалалық мәслихат депутаты, жас кәсіпкер Ж.Жарасбаевты туған күнімен құттықтап, қалалық мәслихаты атынан қала келбетінің көркеюіне, өкілді билік органдарының дамуына қосып жүрген елеулі еңбегіне табыстар тіледі.

VII шақырылған қалалық  мәслихат депутаты Әбдіқалықов Муса Жақыпұлы бекітілген кестеге сәйкес 2021 жылғы 1 ақпан күні сағат:16.00-18.00 аралығында қалалық мәслихат ғимаратында  қала тұрғындарын жеке мәселелері бойынша қабылдады.

Қабылдауға келген М.Нұрмаханова әлеуметтік көмек көрсету, азамат Ж.Медеубаев Баймұрат батыр ауылындағы егістік жерлердің көлемін ұлғайту, елді мекенде орналасқан емдеу мекемелеріне қатысты мәселе көтерді. Өз кезегінде депутат М.Әбдіқалықов қабылдауда көтерілген мәселер бойынша тиісті орындармен жұмыстар жүргізілетіндігін жеткізді.

Үстіміздегі жылдың 29 қаңтары күні VІІ шақырылған Қызылорда қалалық мәслихатының хатшысы мен бірқатар депутаттары еліміздің Тұңғыш Президенті - Елбасы Нұрсұлтан Әбішұлы Назарбаевтың Алғыс хатымен марапатталды.

Аталған марапат  ағымдағы жылдың 10 қаңтарында өткен Қазақстан Республикасы Парламенті Мәжілісі мен жергілікті мәслихаттары сайлауында «Nur Otan» партиясының үгіт жұмыстарын жүргізуге белсенді үлес қосқаны үшін берілді.

Үстіміздегі жылдың 25 қаңтарында қалалық мәслихатың кезектен тыс ІІ-сессиясы болып өтті. Сессия отырысына  қалалық мәслихат депутаттары, қала әкімінің орынбасарлары мен аппарат басшысы, күн тәртібіндегі мәселелерге байланысты тиісті мекеме басшылары, кент және ауылдық округ әкімдері, бұқаралық ақпарат құралдарының өкілдері қатысты.

Сессияның  күн тәртібіндегі  «2021-2023 жылдарға арналған қалалық бюджет туралы» Қызылорда қалалық мәслихатының 2020 жылғы 14 желтоқсандағы шешіміне өзгерістер мен толықтырулар енгізу туралы» мәселесі бойынша қалалық экономика және бюджеттік жоспарлау бөлімінің басшысы Г.Баймаханова хабарлама жасап, қала бюджетінің салаларға бағытталуы жөнінде түсіндірме берді.

Сессия шешіміне сәйкес қала бойынша 23 көшені түнгі жарықтандыруға, көп қабатты тұрғын үйлердің аулаларына ойын алаңдарын салуға,   Әл-Фараби,  Бәйтерек, КБИ, Арай, Шанхай, Титов, Гагарин, Коммунизм, СПМК-70 және Саяхат мөлтек аудандарындағы көшелерге қиыршық тас төсеуге, сол жағалауда көп қабатты үйлер құрылысын жүргізуге қаржылар бөлінді.

Сессия барысында депутаттар саяжайлардың инфрақұрылымын жетілдіру, денсаулық сақтау және мәдениет нысандарының жағдайы, елді мекендерді түнгі жарықтандыру, әлеуметтік әлсіз топтарды баспанамен қамту, көп қабатты үйлердің коммуналдық мәселелеріне қатысты ұсыныс-пікірлерін білдіріп, тиісті сала мамандарынан жауаптар алды.

Сессия отырысына депутат М.Абдуқалықов төрағалық етті.

Қалалық мәслихаттың 7-шақырылымы өз жұмысын бастады.

 

Үстіміздегі жылдың 15 қаңтарында VІІ шақырылған қалалық  мәслихаттың    бірінші  сессиясы болып өтті.

  VІІ шақырылған қалалық  мәслихаттың бірінші сессиясын Қызылорда қалалық сайлау комиссиясының төрағасы Ә.Ергешбаев  жүргізді.

Алдымен Ә.Ергешбаев 2021 жылдың 10 қаңтарында өткен сайлау сайлау қорытындысы туралы хабарлама жасап,   VІІ шақырылған қалалық мәслихат депутаттарына депутаттық мандаттарын табыс етті.

Сессия барысында депутаттардың дауыс беру қорытындысымен  Қызылорда қалалық мәслихатының хатшысы болып, Құттықожаев Ибадулла Дүйсенбайұлы сайланды.

Қалалық мәслихат жанындағы «Бюджет және экономикалық даму мәселелері  жөніндегі» тұрақты комиссиясына  «Нұр Отан» партиясының атынан сайланған депутат Нұртазаев Ерлан Бақытұлы,  «Өндіріс, тұрғын үй, коммуналдық шаруашылығы  және экология мәселелері жөніндегі» тұрақты комиссиясына «Нұр Отан» партиясының атынан сайланған депутат Кәрімбаев Мұхиджан Исмаилұлы,

«Құқық қорғау және әлеуметтік қолдау, жастар ісі   мәселелері жөніндегі» тұрақты комиссиясына «Қазақстан халық партиясы» атынан сайланған депутат Ерназаров Қайрат Шаршыбекұлы жетекшілік ететін болады.

 Қалалық мәслихаттағы «Нұр Отан» партиясының  депутаттық фракциясын құру жөнінде шешім қабылданып, оның жетекшісі болып депутат Нұрымбетов Жорабек Ибрагимұлы бекітілді.

 Сессия соңында қала әкімі Нәлібаев Нұрлыбек Машбекұлы депутаттарға сәттілік тіледі.