Мемлекеттік мекемесі

Қызылорда қалалық мәслихаты

Қызылорда қалалық мәслихатының сайтына қош келдіңіз!

Мемлекеттік рәміздер

KZ

RU

Мәслихат тарихы

 

    1993 жылғы 10 желтоқсанда Қазақ¬стан Республикасының Жо-ғарғы Кеңесімен қабылданған «Жергілікті өкілді және атқарушы органдары туралы» Заңымен Мәслихат депутаттарының жина¬лысы тиісті әкімшілік-аумақтық мекен халқының еркін білдіретін және жүзеге асыратын орган ретінде белгіленді. Кейін, 1994 жылғы 7 наурызда тұңғыш рет өкілді орган – мәслихат депутаттары жиналысының сайлауы өткізіліп, жергілікті мәслихаттардың алғашқы құрамдары сайланды. 1995 жылғы 30 тамызда қабылданған Қазақстан Республикасының Конституциясымен жергілікті мемлекеттік басқарудың негіздері, жергілікті өкілетті және атқарушы органдарының әлеу¬меттік рөлі мен функциялары нақты¬ланып, жер-гілікті өкілді органдардың «Мәслихаттар Депутаттарының жиналысы» деген атауы «Мәслихаттар» болып өзгертіледі.

    Жергілікті өкілді органдарының алғашқы шақырылым депутаттары қызметке кіріскен уақыт еліміздің егемендігі жарияланған уақытпен тұспа-тұс келді. Мәслихат депутаттарының сол кездегі іс-қимыл әрекеттеріндегі басты міндеті – бюд¬жеттегі көлемі шектеулі қаржының мейлінше тиімді және мақсатты пайда-лануын қамтамасыз ету, халықтың әлеу¬меттік жағдайының одан әрі төмендеуіне жол бермеу, жергілікті жерлерде орын алып отырған көптеген проблемаларды қолдан келгенше шешуге тырысу болды.

    Ал бүгінде, жергілікті мәслихаттар, қоғамды демократияландыру процесінде халықтық биліктің негізгі формаларын қалыптастырған жергілікті өзін-өзі басқарудағы маңызды органға айналып, әлеуметтік ортамен өзара тіл табысып, халықтың талап-тілек, ұсыныстарын тыңдап, атқарушы билік пен әлеуметтік ортаның арасындағы ақылдасу алаңына айналды. Ал, депутаттар азаматтық қоғам құрудың бірден-бір бастамашылары болып келеді.

    Алаштың анасы атанған Сыр бойында да өкілді орган – Қызылорда қалалық мәслихаты қалыптасу кезеңінен өтіп, дамудың даңғыл жолын құрып, табысты қызмет етуде. Ширек ғасырдан аса уақыт шеңберінде қалалық мәслихаттың жеті шақырылымында 100-ден астам халық қалаулысы қызмет жасап, мәслихат сессияларында 1400-ден аса мәселелер бойынша шешімдер қабылдады.

    2020 жылы «Парламент және оның депуттарының мәртебесі туралы», «Қазақстан Республикасындағы сайлау туралы» және «Саяси партиялар туралы» конституциялық заңдарына түзетулер енгізіліп, алғаш рет партиялық тізімге әйелдер мен жастар үшін 30 пайыздық квота енгізілді. Бұл норма Парламентке және жергілікті өкілді органдарға әйелдер мен жастарды тартудың тиімді жолы ретінде олардың еліміздегі қоғамдық-саяси үдерістерге белсенді қатысуына септігін тигізеді.

    Бұл ретте, 2021 жылдың 10 қаңтарында елімізде өткен Қазақстан Республикасы Парламенті Мәжілісі мен жергілікті мәслихаттарының сайлауы қорытындысына сәйкес, VII шақырылымдағы Қызылорда қалалық мәслихатына сайланған 22 депутаттың орташа жасы 47 жас, 22,7 %-ы әйелдер және 22,7%-ы 35 жасқа дейінгі жастарды құрады.

    68,2 %-ға жаңарған депутаттық корпус үшін ел мүддесін қорғау, сенім үдесінен шыға білу өте жауапты да сауапты міндет болып қала береді.